កំពង់ស្ពឺ ៖ កម្លាំងអធិការដ្ឋាននគរបាលស្រុក គងពិសី បានបង្ក្រាបមុខសញ្ញាសង្ស័យបានចំនួន ៤នាក់ ពាក់ព័ន្ធករណីជួញដូរ និងប្រើប្រាស់ដោយខុសច្បាប់នូវសារធាតុញៀននៅចំណុច ភូមិ ស្រង់ ឃុំ ស្រង់ ស្រុក គងពិសី ខេត្តកំពង់ស្ពឺ។ 
 ក្នុងកិច្ចប្រតិបត្តិការថ្ងៃនៅទី១២ ខែធ្នូ ឆ្នាំ ២០២១ វេលាម៉ោង ១០និង៥០នាទី សមត្ថកិច្ចបានឃាត់ខ្លួនជនសង្ស័យទី ១-ឈ្មោះ យ៉ុង សុភាក់ ភេទ ប្រុស អាយុ ៣៣ឆ្នាំ នៅភូមិ ស្រង់ ឃុំ ស្រង់  ស្រុក គងពិសី ។ ទី ២-ឈ្មោះ សំ ពេជ្រ ភេទ ប្រុស អាយុ ១៩ឆ្នាំ នៅ ភូមិ តានៃ ឃុំ ព្រៃញាតិ ស្រុក គងពិសី។ ទី ៣-ឈ្មោះ ឃុន ណុប ភេទ ប្រុស អាយុ ៣៥ឆ្នាំ នៅភូមិ ម្កាក់ ឃុំ ស្នំក្រពើ ស្រុក គងពិសី និងទី ៤-ឈ្មោះ  គួន សុខណា ភេទ ប្រុស អាយុ ៣២ឆ្នាំ នៅ ភូមិ ស្នួល ឃុំ ស្នំក្រពើ ស្រុក គងពិសី  ។ 
 ដកហូតវត្ថុតាងរួមមាន៖ ម្សៅក្រាមពណ៌សថ្លាសង្ស័យជាគ្រឿងញៀន ៤កញ្ចប់តូច, ម៉ូតូ ១គ្រឿង, ទូរស័ព្ទដៃ៣, ដាវ១ រួមនឹងឧបករណ៍ប្រើប្រាស់គ្រឿងញៀនមួយចំនួន  ។